ردّت منذ أيام النائب بولا يعقوبيان على الممثلة نادين الراسي، بعد أن عارضتها على موقفها من الرائد سوزان الحاج وقالت: "مواقفها تسير بحسب الموجات".
فردّت يعقوبيان: "حبيبتي نادين، كنت عم دافع عن سوزان لما كانت عم تنطرد من شغلها لأنها عملت لايك لتغريدة وهيدا الدليل اني بدافع عن "المظلوم" يومها لم نكن نعرف انها تستطيع تلفيق تهمة لبريء وتنتقم من واحد مسكين. دافعت عن سوزان اكثر من مرة لما كنت مفكرتها مظلومة ومش ظالمة وشريرة. راجعي التواريخ والملف منيح".
وتابعت: "ما تخلي احزاب السلطة والأجهزة تستخدمك لأغراض وضيعة. انضمي للناس اللي عم تدافع عن بلد فقد بفضلهم كل مقومات الوطن وصار بؤرة مسرطنة. صدقيني هني الكذابين المضللين اصحاب الصفقات على حساب صحتنا".
ودفع تعليق النائب بالراسي الى الردّ قائلةً: "ما بعرف ليه ما قبلت كلمة "تستخدمِك"، حسّيتا ما حلوة وما بتليق أبداً بعائلتي السّياسيّة ومواقفنا وعروبتنا وما تربّينا عليه ودفعنا أثمانا باهظة وبقينا على مواقفنا لخدمة لبنان ولم ولن نُبايِع! أكيد مش قاصدتها بولا وبتمنّى ما يكون لا سمح الله استُخدِمت تقالتها بهالسهولة"، وتابعت: "اسمحيلي تفسريلي أكتر، ضيّعت شوي وما فهمت، خديني عقدّ عقلاتي".
غــــــــرد تــــــــعــــــــــــلــــــــيــــــــقــــــــك