بالفيديو: ليليان نمري و"الوقت الضايع من العمر"...
21 تموز 2021 17:24
أجابت الممثلة ليليان نمري على أحد الأسئلة التي يطرحها عليها الكثير من متابعيها على مواقع التواصل الاجتماعي وخصوصاً الفتيات منهم اللواتي يسألنها كيف تملأ وقت الفراغ لديها حينما لا تكون في تصوير أعمالها.
وقرّرت نمري أن تجيب على هذا السؤال بفيديو قصير نشرته على "إنستغرام" قالت فيه: "كتير من الشباب وخاصة من الصبايا بيسألوني كيف بعبّي وقتي وقت الفراغ اللي عندي وقت اللي ما بيكون عندي تصوير".
وأضافت: "من وقت اللي خلقت لليوم بعبّي وقتي بالكتابة بالخياطة بالرسم بالمشي وبالزرع. انا بمارس كل الهوايات اللي بحبها، فنصيحة ليلانية لليوم ما تضيعوا وقتكن بقصص ما الها طعمة. بالعكس استفيدوا من هيدا الوقت لأنو الوقت الضايع هوي عم بيروح من عمركن وما عم تكتسبوا خبرة لازم انو تكتسبوها".
وتابعت نمري نصائحها لمتابعيها وخصوصاً الفئة الشابة منهم: "ممكن من هواية زغيرة يصير عندكن مشاريع كتير كبيرة بالمستقبل. ما تضيعوا وقتكن على قصص بلا طعمة وبالنهاية ما تنسوا انو انا كمان عندي وقت كل يوم بعطيه لكل المحبين عالسوشال ميديا تشوف تعليقاتن وردّ علين متل ما عم ردّ عليكن ومتل ما بحبكن. انتبهوا ع حالكن حبو حياتكن وحبوا مواهبكن ونمّوها".