سكاف: السياسيّون يعتقدون أنّ صلاة البابا هي لهم!

أشارت رئيسة الكتلة الشعبية ميريم سكاف الى أنّ "الصلاة والتأمل لأجل لبنان رفعها البابا فرنسيس لبلد منهار، والغريب انو السياسيين الي تسببوا بهالانهيار هني كمان مفكرين انو الصلاة الهن وع نيتهن، والبعض عم يتأمل مدري بشو... مش مفروض حدا يقلن انو العالم عم بيصليلنا ليخلّصنا منن؟ 
او باقل تقدير ليوعى المسؤولين عن هالوطن ويقدّروا حجم الجحيم الي عايشين فيه؟".

وأضافت في تصريح: "حدا يقلن إنّو البابا ما عندو ثقة فيهن، وإنّو "الوطن الرسالة" للقديس يوحنا بولس الثاني فهموه غلط وحوّلوه لرسائل سياسية متبادلة هدفها تحصيل المكاسب"، معتبرة أنّ "الاغرب إنّو الدور المسيحي الرائد بلبنان اختصروه بتسمية وزيرين وما عرفوا اهمية وركيزة هالدور المحوري المتشابك مع مسيحيي الشرق... جوهرة الوجود".

وختمت قائلة: "هو "يومُ التفكيرِ والصلاةِ من أجلِ لبنان"، وليس من أجلكم يا زعماء وقادة لبنان.
نصّلي مع الحبر الأعظم والبطاركة من حاضرة الفاتيكان لتخفيف الألم عن شعب ما عاد عندو الا طلب رحمة الرب... وتوقع معجزة للخلاص".