هل يعتزل باسم سمرة التمثيل؟

في مفاجأة غير متوقعة للجمهور، كشف الممثل باسم سمرة عن تفكيره بالإعتزال بسبب شعوره بالإستياء من الناس العاملين في مجال التمثيل.

وفي التفاصيل، قال باسم سمرة في لقاء تلفزيوني له ما يوضح أسباب تفكيره بالإعتزال: "بفكر في الاعتزال الشغلانة صعبة وقاسية جدا ويا سلام لو مخلص حاجة حلوة وتوقف يبقى أحلى من كده إيه، الناس مبقتش سالكة زي الأول، عايز أسافر واتفسح وأعمل حاجة تانية مختلفة، مش طيبين أوي الناس اللي إحنا شغالين معاهم".

وأضاف: "الشغلانة بقيت صعبة لأن الناس تلاقيها أحضان وبوس والحقيقة هما مش كده وبتاخد وقت على ما تكتشف، طبع أو غيرة معرفش لكن أكيد مش حاجة حلوة، أنا أتمنى لكل الناس الخير وربنا يزيدهم في كل حاجة".

وحدد سمرة بعض الأسماء الذين يعتبرهم أصدقاء في الوسط الفني: "أنا بحب الناس اللي مش منافقة اللي ملهاش وشين الناس الكريمة اللي بتحب الضحك، بحب أحمد عزمي وحمزة العيلي وأحمد وفيق وطارق لطفي ومحمود حميدة بحب الناس كلها".