يتشوّق الجمهور اللبناني والعربي الى سماع أغنية الفنانة إليسا الجديدة "يا ريت"، وهي شارة المسلسل الذي يحمل الإسم نفسه والذي سيعرض على شاشة الـ mtv في شهر رمضان المبارك.

وخصّت إليسا موقعنا بكلمات الأغنية التي كتبها ولحّنها صلاح الكردي، قبل فترة قصيرة من إطلاقها عبر المكتبات الموسيقية الإلكترونية ومواقع التواصل الإجتماعي.

أمّا كلمات الأغنية فهي الآتية:

يا ريت... بقدر إحكي مع حالي ونسّيها الندم...

يا ريت... بترجع دموعي تا ضمّها ونسّيها الألم...

يا ريت

كان الوفا معك وَفي وما طلع منك

كان الزمن حذرني وقلي إبعد عنك

آه... يا زماني... آه

شو بعمل باللي جواتي

قاتلني وحابس أنفاسي

شو صعبة إنسى حبيبي والأصعب كمّل حياتي

يا ريت

متل هالإيام قلبك كسر قلبي

متل هالإيام صابو العمى قلبي

ما عم إسمعلو دقاتو

ولا بتعنيلي حياتو

شو بيسوى قلبي والعالم يا عمري

وإنت منك جواتو

متل هالإيام كنا أنا وإنت

بقلبك محلي وجوّا قلبي إنت

وبلحظة وقف الحكي

كأنو ملبّك مستحي

يرجع ويشوف عيونك

يا ريتني كنت بوقتها إختفي

وتجدر الإشارة الى أنّ الأغنية المذكورة ستنضمّ الى أغنيات ألبوم إليسا الجديد الذي سيصدر في شهر ايلول المقبل، على حدّ تأكيدها عبر حسابها الرسمي على موقع "تويتر".