عبارات خالدة بلسان فيروز

اخترنا، في هذه السطور، بعض العبارات الخالدة بلسان فيروز، من مسرحيّات الأخوين رحباني، معظمها من حوارات غير مغنّاة.

إنتَ عمبتراقب وفي حدا بيراقبك وحدا عم بيراقب الحدا وفي حدا فوق الكل عمبيراقب الكل.

"هيفا" من "يعيش يعيش"

وليش تَ الحكومة تقبض حقّا؟ شو الحكومة بتاكل يا امّا عندا اولاد؟

"بياعة البندورة" من "الشخص"

ولو منّو لابس بدله... انتو بتعرفو من حالكن، حدا بيلبس بدله وبيكذب؟

"وردة" من "المحطة"

صوت المعول أحلى من رنين السيف، والرضى أحلى من الزعل، والسلام كنز الكنوز.

"الصبيّة" في "جسر القمر"

الطيّارات رماديّة متل التِرغلّ. انفجار القنابل فضّي بلون الشمس. ناس بالخنادق. ناس بالبارات. العدالة كرتون. الحريّة كذبة. صار الحبس كبير وكل حكم بالأرض باطل. حلّو يطلع الضوّ.

"لولو" في "لولو"

الملوك متل البحيرة بتتجمّع فيها أحزان الكلّ وهموم الكلّ.

"الملكة" في "بترا"

خبّروني إنّو الملك ما بيعرف شو في بالبيوت الفقيرة. أبوابها واطية، والملك ع راسو تاج ما بيقدر يوطّي راسو أحسن ما يوقع التاج.

"هالة" في "هالة والملك"

قلّي بيّي قبل ما يموت، الحقّ ما بيموت. أنا نقطة الشتي، أنا حبّة القمح. جايي انزرع بأرضي، بصدور الناس اللي هون، وبكرا زرعنا بيطلع.

"غربة" في جبال الصوان

ليش الحب، يا معلّم راجي، أرض أو بيت تَ تفلّ منّو وتبعد؟ نحنا منهرب وهوّي بيلحقنا. بتيابنا بقلوبنا بعينَيْنا. وكلّ ما بعدنا كلّ ما صار أقوى.

"زيون" في "ميس الريم"

إن جينا تَ نكتب إسمنا بحبر العتم وغرقت بلدنا بالعتم، شالِك النّقي بيضلّو نقي؟

"عطر الليل" في "ايّام فخر الدين"

هون تمثيل وهونيك تمثيل. بس مع فرق إنّو بالمجلس بدّك تدفع حتى يزقفولك. هون هنّي بيدفعو وبيزقّفو.

"ماريا" في "ناس من ورق"

رح إلبس فقري وتعاستي وتوّج حالي بالأعشاب البريّة وإتمشّى بإحتفال تحت زينة الشجر وقبّة السما، صوب أرض جديدة إتمشّى، وكلّ ما إبعد مسافة، عرشك بيغرق شبر، حتى توصل إنت للأرض وأنا للحريّة.

"زاد الخير" في "ناطورة المفاتيح"

يا خالي اخترعنا الكذبة وجايي تَ تاخدني الكذبة. ما بيسوى إلا مَ إقبَل، حتى تضلّ الكذبة كذبة.

"ريما" في "بياع الخواتم"

ما بتِغرَق... دولتنا خشب.

"قرنفل" في "صح النوم"

ضوّي يا هالقنديل، عَ بيوت كل الناس عَ ليل كلّ الناس. عَ سطوح حليانة دواليها، عَ ضياع ما بعرف أساميها. وقبل الحلو ما يضيع، وتتجرّح مواويل، ضوّي يا هالقنديل.

"منتورة" في "الليل والقنديل"

اخترنا، في هذه السطور، بعض العبارات الخالدة بلسان فيروز، من مسرحيّات الأخوين رحباني، معظمها من حوارات غير مغنّاة.

إنتَ عمبتراقب وفي حدا بيراقبك وحدا عم بيراقب الحدا وفي حدا فوق الكل عمبيراقب الكل.

"هيفا" من "يعيش يعيش"

وليش تَ الحكومة تقبض حقّا؟ شو الحكومة بتاكل يا امّا عندا اولاد؟

"بياعة البندورة" من "الشخص"

ولو منّو لابس بدله... انتو بتعرفو من حالكن، حدا بيلبس بدله وبيكذب؟

"وردة" من "المحطة"

صوت المعول أحلى من رنين السيف، والرضى أحلى من الزعل، والسلام كنز الكنوز.

"الصبيّة" في "جسر القمر"

الطيّارات رماديّة متل التِرغلّ. انفجار القنابل فضّي بلون الشمس. ناس بالخنادق. ناس بالبارات. العدالة كرتون. الحريّة كذبة. صار الحبس كبير وكل حكم بالأرض باطل. حلّو يطلع الضوّ.

"لولو" في "لولو"

الملوك متل البحيرة بتتجمّع فيها أحزان الكلّ وهموم الكلّ.

"الملكة" في "بترا"

خبّروني إنّو الملك ما بيعرف شو في بالبيوت الفقيرة. أبوابها واطية، والملك ع راسو تاج ما بيقدر يوطّي راسو أحسن ما يوقع التاج.

"هالة" في "هالة والملك"

قلّي بيّي قبل ما يموت، الحقّ ما بيموت. أنا نقطة الشتي، أنا حبّة القمح. جايي انزرع بأرضي، بصدور الناس اللي هون، وبكرا زرعنا بيطلع.

"غربة" في جبال الصوان

ليش الحب، يا معلّم راجي، أرض أو بيت تَ تفلّ منّو وتبعد؟ نحنا منهرب وهوّي بيلحقنا. بتيابنا بقلوبنا بعينَيْنا. وكلّ ما بعدنا كلّ ما صار أقوى.

"زيون" في "ميس الريم"

إن جينا تَ نكتب إسمنا بحبر العتم وغرقت بلدنا بالعتم، شالِك النّقي بيضلّو نقي؟

"عطر الليل" في "ايّام فخر الدين"

هون تمثيل وهونيك تمثيل. بس مع فرق إنّو بالمجلس بدّك تدفع حتى يزقفولك. هون هنّي بيدفعو وبيزقّفو.

"ماريا" في "ناس من ورق"

رح إلبس فقري وتعاستي وتوّج حالي بالأعشاب البريّة وإتمشّى بإحتفال تحت زينة الشجر وقبّة السما، صوب أرض جديدة إتمشّى، وكلّ ما إبعد مسافة، عرشك بيغرق شبر، حتى توصل إنت للأرض وأنا للحريّة.

"زاد الخير" في "ناطورة المفاتيح"

يا خالي اخترعنا الكذبة وجايي تَ تاخدني الكذبة. ما بيسوى إلا مَ إقبَل، حتى تضلّ الكذبة كذبة.

"ريما" في "بياع الخواتم"

ما بتِغرَق... دولتنا خشب.

"قرنفل" في "صح النوم"

ضوّي يا هالقنديل، عَ بيوت كل الناس عَ ليل كلّ الناس. عَ سطوح حليانة دواليها، عَ ضياع ما بعرف أساميها. وقبل الحلو ما يضيع، وتتجرّح مواويل، ضوّي يا هالقنديل.

"منتورة" في "الليل والقنديل"