كتب النائب سامي الجميّل على "اكس": "مبروك للبنان ولمنتخبنا الوطني تحت الـ17 سنة على إحراز بطولة غرب آسيا للمرة الأولى في تاريخه!
هيدا الإنجاز مش صدفة. ورا هالجيل في شغل كبير عم يصير بقطاع الناشئين، خصوصاً مع ازدهار أكاديميات كرة القدم الخاصة بلبنان، اللي عم تستثمر بالتدريب، بالتأهيل وبناء المهارات، وعم تعطي أولادنا فرص أكبر ليتطوروا ويصيروا لاعبين بمستوى أعلى.
اليوم عم نشوف نتيجة هالاستثمار بالمواهب، والكرة اللبنانية عم تثبت إنو عنا طاقات كبيرة إذا أعطيناها البيئة المناسبة.
المطلوب هلّق نحافظ على هالمسار، ونقوّي الشراكة بين الاتحاد، الأندية والأكاديميات، لأن مستقبل كرة القدم اللبنانية بيبدأ من مدارسنا وملاعبنا ومن هالجيل الصغير.
مبروك يا أبطال! رفعتوا راس لبنان".
