سعد رمضان ينضمّ للمتظاهرين: "إجا دوركن يا حرامية!"

شارك الفنان سعد رمضان في التظاهرات الشعبية التي يشهدها عدد كبير من المناطق والبلدات في لبنان منذ مساء الخميس. ونزل رمضان بين المتظاهرين، في صرخة بوجه النظام السياسي الحاكم.

ونشر فيديوهات وصوراً عبر مواقع التواصل الاجتماعي. وظهر في الفيديو القصير المرفق من إحدى التظاهرات. كما نشر الصورة المرفقة.

وعلّق رمضان على أحد الفيديوهات التي تظهر فيها الحشود المتظاهرة في وسط بيروت، قائلاً: " هالمظاهرات اللي عم تصير بلبنان بهالوقت هي من اهم الانجازات اللي قام فيها الشعب اللبناني. بتمنى من كل وسائل الاعلام ما بقى تسأل او تقول انو العالم نزلت كرمال ضريبة الواتساب".

واضاف: "الموضوع اكبر من هيك، القصة انو طفح الكيل عند الشعب. الكلمة هلق كلمتنا، كلمة الشعب اللبناني وهلق دوركن يا حرامية تسمعو صوتنا ‏تنفذو اللي بدنا ياه. كمان بتمنى انو المتظاهرين يكونو اذكياء وما يخلو طابور خامس يدخل بيناتهن. وتضل المظاهرات سلمية. اتمنى انو هالمظاهرات تكون بداية انتفاضة الشعب اللبناني #اجا_وقت_نحاسب".